Germaniyaning “German Sparkassenstiftung for International Cooperation” vakillari bilan Oliy va o‘rta maxsus ta’lim vazirining birinchi o‘rinbosari Komiljon Karimov boshchiligidagi mas’ullar o‘rtasida uchrashuv bo‘lib o‘tdi.
Uchrashuvda “German Sparkassenstiftung for International Cooperation” xalqaro hamkorlik tashkiloti Germaniya Federativ Respublikasining Iqtisodiy hamkorlik va taraqqiyot federal vazirligining grant mablag‘lari asosida O‘zbekiston oliy va professional ta’lim tizimida yoshlarni tadbirkorlikka o‘qitish va moliyaviy savodxonligini rivojlantirish bo‘yicha “Responsible Finance” nomli yangi loyihani yo‘lga qo‘yish hamda uni amalga oshirishga doir masalalar muhokama qilindi.
Loyiha professional ta’lim tizimidagi islohotlarni qo‘llab-quvvatlash qatorida tadbirkorlik va moliyaviy savodxonlik bo‘yicha yangi bilim va tajribalarni oshirishda yaqindan ko‘maklashadi.
